കാഴ്ച്ച

  ശിവലിംഗത്തെ ചുറ്റിപിണഞ്ഞു കിടക്കുന്ന എഴുതലയുള്ള ദിവ്യ സർപ്പവും, ഭീമാകാരമായ നന്ദികേശ പ്രതിമയും, ചിറകുവിരിച്ച് നിൽക്കുന്ന ജടായുവും, നിലം തൊടാതെ നിൽക്കുന്ന തൂണും ഏതൊരു ചരിത്രാന്വേഷിയേയും   യാത്രാപ്രേമിയെയും ഒരുപോലെ ലേപാക്ഷിയിലേക്ക് ആകർഷിക്കുന്ന കാഴ്ച്ചകളാണ്. ആന്ധ്രാപ്രദേശിലെ ഹിന്ദുപൂർ സിറ്റിയിൽ നിന്ന് 15 കിലോമീറ്ററും ബാംഗ്ലൂരിൽ നിന്ന് ഏകദേശം 130 കിലോമീറ്ററും അകലെയാണ് ലേപാക്ഷി എന്ന ചെറിയ ഗ്രാമം സ്ഥിതി ചെയ്യുന്നത്. വീരഭദ്ര ക്ഷേത്രമാണ് ലേപാക്ഷിയിലെ പ്രധാന ആകർഷണം. രാമായണത്തിൽ ഈ നഗരത്തിന് വളരെയധികം പ്രധാന്യം നൽകുന്നു എന്നാണ് ഇവിടെയുള്ളവർ വിശ്വസിക്കുന്നത്. രാവണന് സീതയെ തട്ടിക്കൊണ്ടുപോകുന്ന സമയത്ത് തടയാന് ചെന്ന ജടായുവിനെ രാവണൻ   വെട്ടിവീഴ്ത്തുന്നു. ഇപ്പോള് ക്ഷേത്രമിരിക്കുന്ന സ്ഥലത്താണ് ജടായു വീണതെന്നാണ് ഇവരുടെ വിശ്വാസം. സീതയെ അന്വേഷിച്ചെത്തിയ രാമനെ കാര്യങ്ങൾ ധരിപ്പിക്കുമ്പോൾ ജടായുവിനെ നോക്കി രാമൻ സ്നേഹത്തോടെ ലേ- പക്ഷി എന്നു വിളിച്ചുവെന്നാണ് പറയപ്പെടുന്നത്. തെലുങ്കിൽ   'എഴുന്നേല്ക്കൂ പക്ഷി ' എന്നാണ് ഇതിനർത്ഥം. അങ്ങനെയാണ് ലേപാക്ഷിക്ക് ഈ പേര് ലഭിച്ചതെന്ന് ഒരു വിശ്വാസം. ...

  വിദേശ യാത്രകൾക്കൊരുമ്പോൾ  യാത്രകൾ പോകണം എന്നാഗ്രഹിക്കാത്തവർ വളരെക്കുറവാണ്. പലരും പല കാരണങ്ങളാൽ തയ്യാറാകുന്നില്ല എന്ന് മാത്രം. ചിലർ തനിയെ യാത്ര ചെയ്യുവാൻ മടിക്കുന്നവരാണ്. അതിനവർക്ക് അവരവരുടേതായ കാരണങ്ങൾ ഉണ്ടാകും. അത്തരക്കാർക്ക് ഗ്രൂപ്പ് ടൂറുകൾ അനുയോജ്യമാണ്. തനിയെ യാത്ര ചെയ്യണമെന്നാഗ്രഹിക്കുന്നവർക്ക് പലപ്പോഴും അതെങ്ങനെ പ്രാവർത്തികമാക്കാമെന്ന കാര്യത്തിൽ സംശയമുണ്ടാകാം. പ്രത്യേകിച്ചും വിദേശയാത്രകൾ പ്ലാൻ ചെയ്യുന്നവർക്ക്. ഒരു വിദേശ യാത്രയ്ക്കൊരുങ്ങുബോൾ ശ്രദ്ധിക്കേണ്ട കാര്യങ്ങൾ അറിഞ്ഞിരുന്നാൽ ഇത്തരം ആശങ്കകൾ ഒഴിവാക്കുവാനും, തനിയെ ഒരു യാത്ര ചെയ്യുവാനും സാധിക്കും. അതിനു പ്രയോജനകരമാകുന്ന ചില കാര്യങ്ങൾ എന്തൊക്കെയെന്ന് നോക്കാം. പാസ്പോർട്ട് ഒരു വിദേശ യാത്രയ്ക്ക് ഏറ്റവും അത്യാവശ്യമുള്ള രേഖ പാസ്പോർട്ട് തന്നെയാണ്. പാസ്പോർട്ട് ഇല്ലാതെ യാത്ര ചെയ്യുവാൻ കഴിയുന്ന രണ്ടു വിദേശ രാജ്യങ്ങൾ മാത്രമേ നമുക്കുള്ളൂ. നേപ്പാളും ഭൂട്ടാനുമാണ് ആ രാജ്യങ്ങൾ. ഭൂട്ടാനിൽ പോകുന്നതിന് വോട്ടേഴ്‌സ് ഐ ഡി കാർഡോ, ഡ്രൈവിംഗ് ലൈസൻസോ മതിയാകും. ആധാർ കാർഡ് സ്വീകാര്യമല്ല. നേപ്പാളിലേയ്ക്ക് കടക്കുവാൻ ഒന്നും ആവശ്യമില്ല. അധികാരിക...

  ഭാഗം 3  സ്വീഡനിലെ ലാൻഡ്വെട്ടർ (Landvetter) വിമാനത്താവളത്തിലാണ്   കാലുകുത്തിയിരിക്കുന്നത്. സ്റ്റോക്ഹോമിൻറെ അനിയത്തികുട്ടി എന്ന് വിശേഷിപ്പിക്കാവുന്നതും സ്വീഡനിലെ രണ്ടാമത്തെ വലിയ പട്ടണവുമായ    ഗോതൻബോർഗ്ഗ് നഗരകേന്ദ്രത്തിൽ നിന്നും 20 കി മി തെക്കുകിഴക്കായി സ്ഥിതി ചെയ്യുന്ന ലാൻഡ്വെട്ടർ (Landvetter ) ഏരിയയിൽ ആയതിനാലാണ് വിമാനത്താവളത്തിനും ആ പേര് കിട്ടിയിരിക്കുന്നത്. സ്വെഡാവിയ എ ബി   (Swedavia AB) എന്ന ദേശീയ വിമാനത്താവള കമ്പനിയുടെ നേതൃത്വത്തിലാണ് ഇതിൻറെ ദൈനംദിന പ്രവർത്തനങ്ങൾ നടന്നു വരുന്നത്.    ഔദ്യോഗിക നടപടിക്രമങ്ങൾ ഒന്നും തന്നെ ഉണ്ടായിരുന്നില്ല. അതെല്ലാം ഡെൻമാർക്കിലെ കോപ്പൻഹേഗനിൽ പൂർത്തിയായിക്കഴിഞ്ഞിരുന്നു. ആഭ്യന്തര യാത്രക്കാർ എന്ന പരിഗണനയോടെ ഗ്രീൻ ചാനലിലൂടെ പുറത്തേക്ക് നടന്നു. ബാഗേജ് ക്ലെയിമിൽ അൽപ്പനേരം കാത്തുനിൽക്കേണ്ടി വന്നു. വളരെ ചെറിയ ഒരു ബാഗ് മാത്രമാണ് എനിക്കുണ്ടായിരുന്നത്. 'ലെസ്സ് ലഗ്ഗേജ് മേക്ക് യുവർ ട്രാവൽ എ പ്ലഷർ' എന്ന ഇന്ത്യൻ റെയിൽവേയുടെ യാത്രാസൂക്തം ഞാൻ പ്രാവർത്തികമാക്കുകയായിരുന്നു.   ക്യാമറയും അനുബന്ധ സാമഗ്രികളും യാത്ര രേഖകളുമായി ഒരു ...

 ഭാഗം 2 : നെയ്റോബിസിറ്റിടൂർ  ആഫ്രിക്കയിലെ ഏറ്റവും വലിയ സിറ്റികളിൽ ഒന്ന്,  ലോകത്തിലെ ഏറ്റവും വലിയ ചേരി പ്രദേശങ്ങളിൽ ഒന്നായ കിബേറ സ്ഥിതി ചെയ്യുന്ന സ്ഥലം, Safari Capital of Africa, അങ്ങനെ ഒരുപാട് ഒരുപാട്  വിശേഷണങ്ങൾ ഉള്ള സിറ്റിയിലേക്കാണ് ഇന്നത്തെ യാത്ര. വെറും ഗൂഗിൾ മാത്രം തന്ന അറിവ് കൊണ്ട് വേണം ഈ സിറ്റിയെ അടുത്തറിയാൻ. അത്യാവശ്യം സിറ്റിയെ കുറിച്ചുള്ള വിവരശേഖരണം പൂർത്തിയാക്കി രാവിലെ എട്ട് മണിയോട് കൂടി കുളിച്ച് ഫ്രഷ് ആയി ബാഗുമെടുത്ത് പുറത്തിറങ്ങിയപ്പോഴേക്കും ബ്രേയ്ക്ക്ഫാസ്റ്റ് റെഡി.  ടോസ്റ്റഡ് ബ്രഡും മുട്ടയും ഫ്രൂട്ട്സും അടങ്ങിയ ഉഗ്രൻ ബ്രേയ്ക്ക്ഫാസ്റ്റ് കഴിച്ച് അധികം സമയം കളയാതെ, ഹോംസ്റ്റേയിൽ നിന്നും പുറത്തിറങ്ങി, നേരെ ഗേറ്റ് വേ മാൾ വരെ 50 ഷില്ലിംഗിന്  ബോഡോ പിടിച്ചു. രാത്രി നല്ല മഴ പെയ്തിട്ടുണ്ടെന്ന് തോന്നുന്നു. ഗേറ്റ് വേ മാൾ വരെയുള്ള റോഡ് മുഴുവനും ഇന്നലെ കണ്ടതിനേക്കാളും ചെളി നിറഞ്ഞിരിക്കുന്നു. തെരുവോര കച്ചവടക്കാരെല്ലാം കടകൾ തുറക്കുന്നതേയുള്ളു.  ഗേറ്റ് വേ മാളിന് മുന്നിലുള്ള ഹൈവേ സാഹസികമായി മുറിച്ച് കടന്ന് വേണം സിറ്റിയിലേക്കുള്ള മറ്റാറ്റു (Matatu) പിടിക്കാൻ. ...

  AD1732 ൽ പടുത്തുയർത്തപ്പെട്ട ഷാനിവാർ വാഡ    മറാത്താ സാമ്രാജ്യത്തിലെ പേഷ്വാമാരുടെ ആസ്ഥാനവും , അതുകൊണ്ടു തന്നെ പതിനെട്ടാം നൂറ്റാണ്ടിലെ ഇന്ത്യൻ രാഷ്ട്രീയത്തിന്റെ കേന്ദ്രബിന്ദുക്കളിൽ ഒന്നുമായിരുന്നു . അഞ്ചാമത്തെ പേഷ്വയായിരുന്ന നാരായൺ റാവു , അദ്ദേഹത്തിന്റെ മാതുലൻ രഘുനാഥറാവുവും മാതുല പത്നി ആനന്ദബായിയും കൂടി നടത്തിയ ഉപജാപങ്ങളുടെ ഫലമായി സ്വന്തം സുരക്ഷാ ഭടൻമാരാൽ ദാരുണമായി വധിക്കപ്പെട്ടു .. കാലത്തിന്റെ അനന്തതയിലെങ്ങോ ആ നാളുകളും തലമുറകളും സംസ്കാരങ്ങളും അലിഞ്ഞു ചേർന്നു . രാജധാനികൾ പ്രേതനഗരങ്ങളായി .. പൂർണ്ണചന്ദ്രൻ പ്രഭ ചൊരിയുന്ന ഇന്നിന്റെ രാത്രികളിലും നാരായണറാവുവിന്റെ ആത്മാവ് സഹായത്തിനായി നിലവിളിക്കുന്നത്   കോട്ടയിൽ മുഴങ്ങിക്കേൾക്കാറുണ്ടെന്ന് പ്രദേശവാസികൾ സാക്ഷ്യപ്പെടുത്തുന്നു . " അമ്മാവാ ഓടിവരൂ എന്നെ രക്ഷിക്കൂ "   എന്നാണത്രെ ആത്മാവിന്റെ നിലവിളി . ഷാനിവാർ വാഡ One Of The Most Haunted Forts In India എന്ന നിലയിലാണ് Tourist സ്പേസുകളിൽ   പ്രധാനമായും അറിയപ്പെടുന്നത് . ബ്രിട്ടീഷ് സേന മൂലമാണ് ഈ കോട്ട...

ചിദംബരം - പേരിൽതന്നെ കലയും കാൽപനികതയും തുളുമ്പുന്ന പുണ്യദേശം . നൃത്തവും സംഗീതവും സാഹിത്യവും പരിപോഷിപ്പിക്കപ്പെട്ട , അതൊക്കെ ഉദാത്തമായി ഉപാസിച്ച ചോള - പാണ്ഡ്യ സംസ്കൃതിയുടെ സുവർണ്ണ സ്മരണകൾ സഞ്ചാരിയിൽ ഉണർത്തുന്ന ചരിത്രഭൂമി . നിറഞ്ഞ കാഴ്ചകളുടെ സൗന്ദര്യവും സൗഭാഗ്യവും അനുഭവിക്കണമെങ്കിൽ ട്രെയിനിൽതന്നെ പോവുക . ട്രിച്ചിയിൽനിന്നും ( തിരുച്ചിറപ്പള്ളി / തൃശ്ശിനാപ്പള്ളി ) യാത്ര തുടങ്ങാം . ട്രിച്ചി - ചിദംബരം 158 കി . മി ദൂരം 3 മണിക്കൂറിനകം എത്തിച്ചേരാം . തമിഴ്നാട്ടിലെ അതിമനോഹരമായ ട്രെയിൻ റൂട്ടുകളിലൊന്നാണ് ട്രിച്ചി - ചിദംബരം - ചെന്നൈ എഗ്മോർ റെയിൽപാത . കടന്നുപോവുന്ന വഴിയിൽ നാം കാണുന്ന ദേശങ്ങളും അവയുടെ മഹത്വവും പാതയിലെ ആകർഷകഘടകങ്ങളാണ് . തഞ്ചാവൂർ - പാപനാശം - കുംഭകോണം - ആടുതുറൈ - മയിലാടുതുറൈ - വൈദീശ്വരൻകോവിൽ - ശീർകാഴി ... എല്ലാം കാണേണ്ട ഇടങ്ങൾ . അറിയേണ്ട ദേശങ്ങൾ . അതിശയിപ്പിക്കുന്ന പ്രകൃതിഭംഗിയ്ക്കു പുറമേയുള്ള സൗഭാഗ്യങ്ങളാണിതെല്ലാം . വിൻഡോ സീറ്റ് തരപ്പെട്ടാൽ എല്ലാം കൺകുളിർകെ ആസ്വദിക്കാം , ക്യാമറയിൽ ഒപ്പിയെടുക്കാം . സഞ്ചാരികളുടെ ഇഷ്ട ഡെസ്റ്റിനേഷ...